تصريحات الفنانين علي التنمر الذي تعرض له شريف منير وابنتيه | رسالة أصالة، وأحمد زاهر، وسوسن بدر تضامناً مع شريف منير:
علي أثر صورة قام الفنان الرائع شريف منير بنشرها لبناته؛ منذ أيام قليلة ،وتعرضه للتنمر هو ،وبناته قام بنشر صورة علي حسابه الشخصي بموقع إنستجرام، ووجه رسالة لعلها تكون الرد الرادع، وتوقظ ضمير قلة من الأشخاص المسيئين لكل ماهو بناء مخاطباً فيها متابعيه قائلاًح "دول المذنبين،دول اللي عملوا المصيبة ،اللي أذوا الناس ،واللي أذوا الدين، لان الناس اللي شتموني ملائكة، بيكلموني بالدين ،البنتين الكبار أوي دول ،هما اللي أذوا الدنيا كلها، عموماً بشكر كل الناس اللي وقفت جنبي، ودعمتني ودعم أولادي"
وليس غريباً علي الفنانة الرائعة أصالة مواقفها الإنسانية، وتعاطفها الكبير مع أزمة الفنان شريف منير؛ حيث وجهة له كلمة عن طريق حسابها علي تويتر قائلةً :
" كل محبتي ،واحترامي للفنان الراقي المحترم شريف منير، وتعاطفي الكبير مع بناته الغاليات..رغم أنني أيضاً أتعاطف مع أي مسيء؛ أو منتقد لأنهم ضحايا أهل هم أساس هذا الجهل، والقسوة ،والتخلف..أنت أكبر من أن تستمع لتلك السخافات ،وبناتنا أقيم من أن يجرحهم فكر مريض"
وقد قام العديد من الفنانين بتقديم الدعم المعنوي لشريف منير، وبناته من خلال منصات التواصل الاجتماعي المختلفة ،ودعوته إلي اللجوء للقضاء ،لإتخاذ الإجراءات القانونية اللازمة تجاه المتنمرين ،اللذين تجاوزوا ؛وسخروا منه، ومن ابنتيه كاميليا، وفريدة.
حيث وجهت الفنانة سوسن بدر رسالة له قائلةً:
كلنا معاك ياشريف ،وضد أي تنمر بأي شكل، وشكراً لشجاعتك ،وانك أخدت الخطوة الأولي، وربنا يخليك لأهل بيتك سند وقوة.
أما الفنانة الرائعة كندة علوش قالت:
معاك ياشريف ،برافو علي الخطوة العظيمة.
أما الفنان الجميل أحمد زاهر وجه رسالة قائلاً:
برافووووو عليك يا استاذ، كلنا معاك ،وهنعمل زيك بالظبط لحد مالملايكة الطاهرين يتلموا.
واستكمل شريف منير كلامه قائلاً:
"أنا بطلب من الناس ان يبقي في وقفة قوية، يجوز اننا كنا نقطة تحول، لازم كلنا نبقي ايد واحدة، أي أذي يجيلك ،أو أي تنمر يحصلك متسكوتش، اعملوا بلاغ ،الاهتمام غير طبيعي من السيد النائب العام ،والناس فارق معاها جدا جدا، وعاوزين يساعدوا جدا جدا ،لازم نحط حدود للناس اللي بتمشيلنا حياتنا.
وتابع منير قائلاً:"دول بناتي الي اتهانو، واتجرحوا علشان كنت فرحان بيهم ؛فاخدت علي دماغي جامد جامد،بس الرد هيبقي جامد أوي"
وقد وجهت فريدة ابنة شريف منير قائلةً:
"عاوزة أقول إن أنا اتهانت ،وأتاذيت ،وعاوزة حقي ؛وحقي هيرجعلي إن شاء الله."
وقد وجهت ابنته كاميليا كلمةً قائلةً:
"ناس كتير شتمتني ،وشتمت ببايا ،وأنا مبحبش حد يشتم بابا ،وأنا عاوزة أخد حقي."
وختم منير كلامه قائلاً:
"وأي حد يتعرض لأذي؛ أو إهانة هيجيله حقه لحد عنده ،لإن احنا في دولة قانون."